Четири ученички на Детското ликовно студио „Свети Кирил и Методиј” Битола се добитнички на златен медал од учеството на 25-тото издание на светската детска ликовна изложба по конкурс “Светски младински ликовен конкурс” од Нова Загора – Бугарија.
„Пријатно изненадени, а сепак нескромно не без очекувања ја добивме информацијата дека 4 наши ученички се добитнички на златни медали на 25-тиот „Светски младински ликовен конкурс” од Нова Загора – Бугарија.
Тоа се нашите ученички Јована Василевска [ 13 ] – Маргарита Велјановска [ 14 ] – Бојана Стефановска [ 14 ] и Анастасија Наумчевска [ 15 ] кои последната година нижат огромни успеси на светско ниво.
Секако нескромно е и информацијата дека ДЛС “Свети Кирил и Методиј” Битола е единствената школа која ги помина квалификациите и ја претставуваше Македонија на овој значаен настан.” – истакна Елена Хаџи-Антоновска – претседателка на ДЛС.
На 25-тиот “Светски младински ликовен конкурс” од Нова Загора – Бугарија пристигнаа детски ликовни творби од 31 држава кои формираа фонд од 3.О66 дела од млади ликовни уметници и талентирани ученици од кои Меѓународната жири комисија додели 455 награди и тоа 422 медали со дипломи за учесници – 11 награди за колекции и 22 награди за ликовни педагози.
„Овие награди и признанија кои се од највисоко ниво се нешто поради кое ДЛС без прекин 56-та година ја работи мисијата на својот основач – светски реномираниот ликовен педагог Коста Хаџи-Антоновски а тоа е обезбедување бесплатна ликовна едукација на младите ликовни уметници и талентираните ученици од нашата организација.
И таа мисија нема да прекине иако реално за некого како концепт не е сосема јасна но наградите кои ги добиваат нашите ученици го имаат одговорот дека клучот до успехот е тој и сериозно е несериозно да менуваме нешто што функционира.
Ние оваа радосна вест ја добиваме во екот на подготовките на 42. издание на светската детска ликовна изложба по конкурс „Битола” и 43. издание на светската детска ликовна колонија “Мал Битолски Монмартр” на кои според првичните информации покани веќе се пратени до 25 делегации од исто толку земји за учество – Меѓународната жири комисија работи на оценки и жирирање на пристигнатите награди но поради огромниот обем оваа година имаме новитети во постапката.
Имено на 2О март ќе бидат објавени т.н. големи награди додека наградите за ученици – учесници “златна палета” за колекции “златна четка” за колекции и награди за специјални ќе бидат објавени на 2О април 2О24 година.
Ова е поради пристигнатите над 8ОО пратки на конкурсот од исто толку приватни и државни школи од над 8О држави од светот кои ќе генерираат рекорден фонд од над 5О.ООО детски цртежи од кои ние имаме огромна задача со Жири комисијата и Меѓународниот управен одбор на МБМ да селектираме само 1.ООО дела за изложбата и 45О награди за ученици. И тоа е поприлично обемна работа на која максимално професионално работиме – секој во својот домен.” – изјави Славчо Неделковски – претседател на УО при ДЛС.
Според неофицијални информации оваа година на “Мал Битолски Монмартр” се очекува рекордно присуство на над 15О учесници а повеќе детали за манифестациите најавуваат на наведените датуми.
