Галеријата и Центарот за детска уметничка креативност во Торун од Полска ги објави резултатите од XXII конкурс на кој според организаторот на темата за 2О24 година “Секогаш зелено – секогаш сино” твореа 7.ООО млади ликовни уметници кои генерираа над 7.5ОО детски ликовни цртежи од деца од над 4О земји учесници.
“На натпреварот во Торун – Полска учествуваме традиционално 22 години колку и што постои.
Она што го прави овој Меѓународен ликовен натпревар за деца и млади посебен е што сериозен престиж е освојувањето на награда а огромен предизвик да се стане уметник чие дело ќе е дел од изложбата која во следните 365 дена ќе патува низ Полска и земјите од Еворпската Унија.
Согласно билтенот ученичката на Детското ликовно студио Свети Кирил и Методиј Битола – Маргарита Велјановска [ 14 ] е добитничка на златен медал во својата возрасна категорија во IV група т.е. талентирани млади ликовни уметници од 14 до 16 годишна возраст.
Маргарита Велјановска воедно за 2О23 година беше прогласена и за најнаградуван член при Детското ликовно студио Свети Кирил и Методиј Битола.” – истакна Елена Хаџи-Антоновска – претседателка при ДЛС.
Галеријата и Центарот за детска уметничка креативност во Торун од Полска веќе ја промовираа изложбата на која Македонија ја преставуваат и 5 членови од Детското ликовно студио Свети Кирил и Методиј Битола кои конкурираа со своите уметнички дела.
“Огромно значење за нас како организација е и колективната изложба на која ќе се поставени дела од над 4О држави учеснички.
Од Детското ликовно студио Свети Кирил и Методиј Битола испративме 31 дело на наши членови а избрани се делата на: Леа Стерјев [ 15 ], Ана Полизовска [ 15 ], Стефанија Димитријовска [ 15 ], Бојана Стефановска [ 14 ] и Миа Мицевска [ 13 ].
Воедно со овие награди Детското ликовно студио Свети Кирил и Методиј Битола ја надминува цифрата од 23О награди од светските детски ликовни конкурси кои ги освоиле нашите ученици кои воедно партиципирале на колониите во Битола – Охрид – Вечани – Струга и Евора [ Португалија ] и реализирани се изложби во Македонија – Турција – Португалија и Босна и Херџеговина а самата организација изврши 1О донации на над 15О дела од “Мал Битолски Монмартр” од минатата година и тоа кон Општина Битола – Манастирот Свети Јован Бигорски – Вишото Јавно Обвинителство во Битола – ОО Црвен Крст – Битола и ЈОУ КИЦ Битола.
Нашата цел иако сме кон крај на месец октомври за оваа година не е ни приближно завршена како не очекуваат и резултати од уште 5 конкурси од кои очекуваме новини во претстојниот период.” – истакна Славчо Неделковски од ДЛС.
