Во стреланата во Битола се одржа Државно првенство во стрелање со воздушно оружје – пушка и пиштол на 10 метри, во категорија на мажи и жени. Се натпреваруваа 12 клубови и околу 100 стрелци во сите дисциплини и категории.
„Може да кажеме дека до пред 3-4 години бројот на натпреварувачи беше на половина, околу 45-50 натпреварувачи, што значи дека за 100% сме се подобриле. Во тоа придонесува помошта од федерацијата со нови оружја, нова опрема и ги субвенциониравме клубовите кога набавуваа оружја, па потоа добија и донирани пушки, пиштоли, опрема и дијаболи и сето тоа вроди со плод. Многу млади стрелци има и резултатите се покачуваат, доаѓаат на некое солидно ниво. Има и репрезентативци, оттука сега се спремаме на европското првенство да учествуваме од 7 до 12 март во Естонија, каде ќе учествуваат Мартин Ангелевски – пушка, Анастасија Мојсовска – пушка и Борјан Бранковски со пиштол, кој беше и на Олимписките игри во Токио“, изјави за Читај бе, Јордан Тасевски, претседател на Македонската спортска стрелачка федерација.
Тасевски потенцира дека на овој начин се подигна квалитетот, клубовите се задоволни затоа што имаат услови за работиа, а помага и генцијата за млади и спорт.
„Во овој дел ни значи и ваучерскиот систем, ваучерите се користат за основните потреби, за трошоци на клубовите. Исто така и дисциплината трап со летечки глинени гулаби ја вративме во форма овие 3-4 години, која беше занемарена 15 години, и во таа дисциплина минатата година на светското првенство освоивме минимална б олимписка норма“, потенцираше Тасевски.
Тој рче и дека условите во битолската стрелана моментално се најсофистицирани, затоа што минатата година инсталираа електронски мети на горниот кат, а на такви идентични електронски мети се пука и на европските и светските првенства.
