Дувачкиот оркестар на Државното музичко училиште од Битола и Битолскиот Дувачки Оркестар денеска низ Широк Сокак на уникатен начин го најавија концертот кој ќе се одржи вечерва, 12 април, во Големата сала на Центарот за култура – Битола со почеток во 20 часот. Изнудија насмевки од минувачите, но и заинтересираност.
На програмата на вечерашниот концерт ќе бидат дела од Бетовен, Росини, Штраус и маршови за дувачки оркестар, а влезницата изнесува 150 денари.
