Во рамки на теренските истражувања што ги спроведува Здружението за истражување и заштита на лилјаци од Германија, во периодот од 4 до 16 мај во Националните паркови Пелистер, Галичица и парк и во Преспа., денеска се одржа едукативен настан во заедничка организација на ЈУ Национален парк Пелистер и ЈУ Национален парк Галичица.
Настанот се одржа на локацијата Бегова Чешма, каде што беа поставени четири мрежи за фаќање лилјаци — метода што се користи при научни истражувања за проучување на овие важни ноќни цицачи. Ученици од средните училишта ОСМУ „Д-р Јован Калаузи“ и СОУ „Таки Даскало“ имаа можност да се запознаат со биологијата и екологијата на лилјаците, како и да учествуваат во практична демонстрација на методологијата што ја користат истражувачите.
Овој едукативен пристап претставува мост меѓу науката и образованието, овозможувајќи им на младите директен контакт со теренска работа и подигање на свеста за значењето на заштитата на лилјаците и нивната улога во екосистемот.
