Денеска(20.09.), Отсекот за превенција при СВР Битола и инспектори за дрога од Криминалистичката полиција при СВР Битола во Средното училиште „Таки Даскалот“ во Битола одржаа едукативна трибина со учениците од ова средно училиште на тема – „Борба против дрогата“, односно како да се препознаат девијантните појави кај младите и ризиците од злоупотреба на наркотични дроги и алкохол. Воедно, како тема беше опфатен и сајбер булингот меѓу младите.
Исто така, беше одржан и состанок со наставничкиот и раководен кадар на кој беа разменети идеи и размислувања за понатамошна соработка и проблеми со кои се соочуваат тие и младите.
Во текот на оваа недела, предвидено е слични предавања СВР Битола да реализира во повеќе средни училишта на подрачјето на Секторот. Целта е на младите, пред се, но и на останатите да им се укаже од опасностите од злоупотребата на наркотиците, како од законски аспект, така и од аспект на загрозување на здравјето на младата популација.
