Детско ликовно студио Свети Кирил и Методиј Битола на завршницата од 23-тата светска детска ликовна колонија “Евора 2О22” која од 9 – 16.10.2022 година се одржа во Португалија и на која учество имаа 15 држави со околу 50 учесници ги освои високите второ и трето место.
„Постапката на жирирање во Евора не е како на Мал Битолски Монмартр. Нема дневни награди, но има награди по сите пет работни теми од седум дена Колонија а реално во Португалија сме 10 дена. На крајот се доделуваат награди за најдобри три дела по темите на денот кој за учениците трае во просек по 8 до 9 работни часа. Најзначајни награди сепак се трите најдобри учесници – ученици на Колонијата. И ретко кога ученици од исто школо зеле повеќе од една од овие три награди. Сепак оваа година нашите ученички Леа Стерјев и Ана Полизовска го освоија второто место – сребрен медал и третото место – бронзен медал на што се посебно горди. Колонијата во Португалија има високи стандарди во оценка на детското сликарство дотолку повеќе што е и под закрила на УНЕСКО па овие награди имаат огромна вредност на нашиот труд со учениците при Детско ликовно студио Свети Кирил и Методиј Битола.” – истакна Елена Хаџи-Антоновска – Претседател на ДЛС Свети Кирил и Методиј Битола.
При посетата на Португалија пет дена се сликаа варијации на теми кои ги задаваше домаќинот низ Евора која како град и самиот е под УНЕСКО заштита, а работно се посетија и Обидош – Назаре – Батиља и Фатима со што учесниците пропатуваа солидни 800 километри низ западна Португалија.
„Ова е уникатно искуство за нашите ученици. Имаа млади ликовни таленти како колеги од Индија преку Романија и Турција, па се до Франција и Португалија. Конкуренцијата беше огромна но квалитетот е она што пресудно а тој е неприкосновено резултат од талент но со огромна работа на терен.
Евора не потсети каде сме во светот во време кога читавме невкусни квази новинарски натписи за соработките со нашите партнери, а и време во кое и по 150 дена Министерството за образование и наука на Македонија не бојкотира со решение на проблемот кој самите го создадоа. И по нашето враќање во Битола првото нешто што ќе го направиме е активирање на сите правни механизми затоа што ако МОН а со тоа и Владата не се грижи за своите најголеми амбасадори има и точна адреса кој треба да одговара за својата фригидност.
Ние ќе ги реализираме сите проекти за 2О22 година. Камп за филантропија во Софија и посета на Брисел. Наше е секое дете – секој наш ученик да твори и да реализира пријателства во кои нема да има ни ‘п’ од политика и прилично сме јасни и доследни на тој наш став.” – истакна Славчо Неделковски – Претседател на Управниот Одбор на Детско ликоно студио Свети Кирил и Методиј Битола.
Колонијата во Евора ја отвори Градоначалникот на овој град со кој Неделковски имаше и официјална средба надвор од работниот дел, а на церемонијата на свечено затворање организаторот Теодолинска Паскоал на Неделковски му го врачи и Специјалното признание кон прерано починатиот академски сликар и врвен ликовен педагог Светлана Вешиќ Ралевиќ кое е посветено на нејзните наследниците – Марко и Марта.
Во Евора беше претставен и идниот меѓународен управен одбор за 42-рото издание на Малиот Битолски Монмартр 2023 година во кој ќе има 15 членови од исто толку земји од цел свет а кој ќе биде јавно обелоденет на почетокот на Ноември 2022 година затоа што планот е во 2023 година Битола да повика на гости 5О земји со над 2ОО учесници.
