Деновиве се одржа 26-то издание на Интернационалниот детски музички фестивал СИ-ДО 2022. Еуфоријата, среќата, детската песна и многу среќни деца беа карактеристика на годинешното издание во салата на Центарот за култура Битола.
Денес, овој детски музички фестивал има значајно место во културниот живот на градот, како и кај многу поклоници на овој вид музика, посебно кај најмладите.
„На годинешното издание беа изведени 19 нови песни, од кои две од гости од соседните држави Србија и Бугарија, кои го збогатија репертоарот. Песните се од различни жанрови, а децата кои настапуваат се од различни возрасни групи, кои ќе можат сите деца да ги слушаат на социјалните мрежи и медиумите. Подготовките за фестивалот траат во текот на целата година проследени со концерти, гостувања надвор од нашите граници и други настани. Наредна активност ќе биде аудицијата каде што ќе можат да се пријават сите талентирани деца кои сакаат да бидат дел од овај прекрасен детски настан. СИ-ДО за сите деца!“, вели Дарко Шерденков, директор на фестивалот СИ-ДО.
