Здружението за Ромско-турско пријателство „Ромско јато“ од Битола на поинаков начин го одбележа Светскиот ден на Ромите, 8-ми Април. Во малата сала на Центарот за култура се читаше поезија, а посебен акцент беше ставен на ромската поезија.
Светскиот ден на Ромите се одбележува во чест на првиот Светски конгрес на Ромите, одржан од 8-12 април 1971 година во Лондон и тоа е еден од најважните датуми во историјата на овој народ. На тој датум на конгресот се сретнаа претставници на Ромите од 14 земји во светот. Како една од најважните усвоени одлуки се одлуката за ромско знаме и официјална химна. На четвртиот светски конгрес на Ромите одржан 1990 година во Полска, решено е 8 април, денот кога е отворен првиот конгрес во Лондон, да се прогласи за Светски ден на Ромите кој секоја година ќе се одбележува во целиот свет.
