На меѓународниот меморијален турнир во чест на Игор Лазаров, кој се одржа на 29.11.2025 година (сабота) во ООУ „Антон Димитров“ – населба Бутел, учествуваа 759 натпреварувачи од 15 држави. К.К. „Заншин До“ – Битола се врати дома со вкупно 6 медали: едно злато, две сребра и три бронзи.
Златен медал во ката тим кадети/јуниори – мажи освоија:
Александар Божиновски, Михаил Марковски и Давид Стојчевски.
Сребрен медал во ката тим кадети/јуниори – жени освоија:
Леона Алиловска, Елена Јончевска и Емилија Илковска.
Дополнително, Елена Јончевска освои и индивидуален сребрен медал во ката јуниори – жени.
Бронзени медали освоија:
- Емилија Илковска – ката јуниори жени
- Давид Стојчевски – ката јуниори мажи
- Михаил Марковски – ката јуниори мажи
Тренерот изрази огромна гордост од успехот, истакнувајќи дека катите бараат долгогодишна работа и посветеност. „Сите овие такмичари тренираат по 10–12 години секојдневно, и полека, но сигурно, целта се постигнува. Не застануваме тука – продолжуваме со подготовки за нови предизвици.“
Следната дестинација за клубот е Европското првенство во Лимасол, Кипар, кое ќе се одржи од 06 до 08 февруари 2026 година.
