Одгледувањето одговорно дете е процес што трае – со подеми и падови. Монтесори методологијата, која се применува во многу училишта ширум светот, нуди практични насоки кои лесно можат да се применат и во семејството. Еве како Монтесори учителите ја поттикнуваат одговорноста кај децата:
1. Одговорност за себе
Децата уште од најмала возраст се охрабруваат самите да се облекуваат, мијат раце, бришат нос или да подготват мала ужина. Со тоа добиваат порака дека се способни и независни личности.
2. Одговорност за времето
Во Монтесори училниците децата самите избираат со што ќе се занимаваат и колку време ќе посветат. Учат да го планираат времето и да ги завршуваат обврските во зададен рок.
3. Одговорност во односите со другите
Децата се учат како да соработуваат, да делат, да изразуваат чувства и да решаваат конфликти без постојана интервенција на возрасните.
4. Одговорност за предметите
Во Монтесори средината често се користат вистински, дури и кршливи предмети. Децата се учат внимателно да ги користат и да ги враќаат на место.
5. Општествена одговорност
Децата се вклучени во грижа за билки, миленици и одржување на редот. Учат што значи да бидат дел од заедницата и да придонесуваат.
Најважно: Верувајте им на децата. Дозволете им да пробаат, да погрешат, да научат и сами да се снајдат. Одговорноста не се раѓа преку контрола – таа се гради преку доверба.
