РК Еурофарм Пелистер денеска го претставија првиот дански ракометар кој ќе го носи дресот на Еурофарм Пелистер. Нов член на клубот е Себастијан Хенеберг, кој потпиша договор до крајот на сезоната и веќе го започна тренажниот процес со новата екипа. 28-годишниот Хенеберг доаѓа во Битола од данскиот првак Алборг и игра на позициите лев и среден бек. Висок е 197 сантиметри, тежок 101 килограм и неколку години по ред настапува во Лигата на шампионите.
Хенеберг блесна во Силкеборг и Архус и во сезоната 2019/20 потпиша за норвешкиот првак Елверум. По една сезона во овој клуб и сите освоени трофеи, потпиша за Алборг, од каде што доаѓа во Битола.
Неговото деби се очекува следната недела на натпреварот против Пролет од седмото коло на групата Б на Суперлигата.
