Во преполната сала на Центарот за култура, се одржа првото официјално издание на фестивалот на староградска музика „Ех, таа серенада“ во Битола во организација на КИЦ Битола. Инспирацијата за овој фестивал доаѓа од традицијата на најопеаниот град на Балканот, од пајтоните, ергените кои љубовта преку песна ја носеле до срцата на битолските чупи, пеејќи по сокаци, под пенџери и балкони…
Битола вечерва повторно заблеска со сиот сјај, преку песната по која не препознаваат…Битолчани имаа можност да уживаат во 16 композиции од познати автори и уште толку попознати изведувачи, придружувани од Камерниот оркестар на Битола.
Фотограф: Саше Богоевски
