На 31.08.2023 г.(четврток) ќе се организира настанот ДЕМБЕЛ ЧАРШИЈА во делот на Безистенот покрај реката Драгор со почеток во 20.00 ч.
„Поведени од стиховите за нас на една од најубавите битолски песни на Петар Калица „Ако одам во Битола”. во спој со духот и времето од живеењето во некогашна градска Битола, после повеќе од 70-тина години одлучивме да го разбудиме битолското во нас и да започниме повторно да си ги негуваме некогашните традиционални вредности по кои беше препознатлив нашиот град со намера сето тоа да продолжи и да трае понатаму како континуитет во Битола.
Настанот се организира со сопствени средства и можности, поканети се битолчани да уживаат во убава вечер со староградска музика со битолски и македонски песни. Покрај свежината на река Драгор, заедно со вас да си го вратиме духот на ДЕМБЕЛ ЧАРШИЈА, една од најпрепознатливите БИТОЛСКИ ЧАРШИИ“, истакнаа организаторите на настанот, Бабам Битола, кафе бар ВЕЗИЛКА и музичката група БИТОЛСКИ ТАМБУРАШИ.
Четврток 31.08 2023 г. почеток од 20.00 часот. Резервации на телефон 078 523 663
