Вчера, на 11.05.2022 година во просториите на битолската библиотека се одржа предавање на тема „Раното откривање спасува животи“, кое го одржа д-р Александар Димовски, специјалист по радиодијагностика, вработен во Клиничката болница Битола.
Доктор Димовски зборуваше за ракот на дојката, неговите причинители, симптоми, но најважно за превентивните мерки и скринингот, како што е мамографијата. Тој силно укажа на важноста од рано откривање на ракот на дојката за неговото лекување и поголеми шанси за преживување.
Предавањето е дел од „Неделата на женското здравје”, во организација на НУУБ „Св.Климент Охридски“ – Битола, „Сумнал„ – здружение за развој на ромската заедница и Ротари клуб „Широк Сокак“ – Битола.
