После две години пауза заради ограничувањата кои беа на сила заради пандемијата ТСК Степ Ап Битола продолжи со организација на бодовен натпревар кој е задолжителен за танцовите спортисти во склоп на системот на натпревари во соодветната танцова спортска лига.

ап 7

Минатиот викенд (24.09.2022) во малата сала во спортската сала Боро Чурлевски во Битола во организација на Танцовиот спортски клуб Степ Ап Битола и Танцовата Спортска Федерација на Македонија се одржа бодовен натпревар во латиноамерикански, стандарди и модерни спортски танци.

ап 10

На натпреварот учество зедоа сите клубови членки на ТСФМ, односно 9 клуба од државата. Уествуваа танцовите спортски клубови Динамик од Куманово, Бранимир и Бранкица, Ритам Плус и Прима Данца од Скопје, Брејк Д Флор од Штип, Линеа од Кавадарци, Темпо од Прилеп и Спортакус од Битола.

ап 5

„На натпреварот учество зедоа околу 170 натпреварувачи во сите старосни категории и танцови дисциплини. Најмасовен интерес во текот на последните години се забележува кај модерните спортски танци, особено латино соло категориите и латино групите каде и конкуренцијата е најголема. Со тоа, слободно може да се каже дека и квалитетот на овие категории натпреварувачи е на многу повисоко ниво. Во редовите на девојките кои се натпреваруваат во латино соло категориите и се на врвот во нашата спортска федерација се вбројуваат девојки кои се на пиедесталот на меѓународните натпревари на Балканот. За сите нас, секако и за публиката најинтересни и најпривлечни за следење се танцовите спортски двојки. На натпреварот учество зедоа 13 танцови спортски двојки во неколку возрасни категории.

Танцовите двојки се натпреваруваат во две дисциплини: латиноамерикански и стандардни танци. Прекрасни се кога се гледаат, динамиката и енергичноста на латино танците и грациозноста и елеганцијата на стандарните танци остава впечаток дека овој спорт може да го практикува секој, но верувајте само кој не го изучувал не знае колку е тежок. Можеби тоа е една од причините зошто последните години бројот на танцови спортски двојки континуиарано се намалува, интересот опаѓа особено кај момчињата. Во оваа пригода би сакале да ги поттикнеме и охрабриме момчињата и нивните родители да ги посетат нашите промотивни часови и да се уверат дека ова не е само женски спорт. Во нашите редови имаме многу успешни поранешни и моментални државни прваци кои постојано напредуваат во танцовиот спорт и освојуваат високи награди не само на домашен туку и на меѓународен терен“, вели Вера Сретенова Симјановска, претседател на Танцов Спортски Клуб Степ Ап Битола.

ап 2

ТСК СТЕП АП Битола активно работи и го развива танцовиот спорт веќе полни 8 години. Тренинзите ги одржува на две локации, и тоа во УЗ „Борис Бастеро“ и во ОУ „Св. Климент Охридски“. Членовите се распоредени во неколку групи: почетници, натпреварувачи, танцови двојки и латино формации. Тука се и тренинзите за возрасните кои сакаат рекреативно да спортуваат и да се релаксираат, дополнува таа.

ап 8
ап 6

„Спецификата на овој спорт е што е мост меѓу физичка активност и уметност. Се практикува проследен со музика што дополнително придонесува за релаксација, зголемување на концентрацијата, намалување на стресот, активирање на целокупната мускулатура на телото, корекција на држењето на телото и воопшто унапредување на психофизичкиот развој особено кај децата. Меѓу нашите натпреварувачи нема деца со неправилно држење на телото, проблеми со ‘рбетот и стапалата. Интересен е фактот што можеме да го изнесеме од анализата и следењето на нашите поранешни членови. Имено, скоро сите од нив во текот на својата кариера се упатиле во различни професии, но она што им е заедничко за сите и што го носат во себе на работните места е: самодисциплината, културата на исхраната, редовен режим на живот, здрави навики, високо ниво на сигурност при комуникација со луѓе, репрезентативност, почит кон колегите и конкурентите и многу многу други особини кои танцовиот спорт им ги всадил без и самите да знаат“, вели за Читај бе, Вера Сретенова Симјановска, претседател на Танцов Спортски Клуб Степ Ап Битола.

    80 години ООУ „Коле Канински“ Битола – доделени признанија и пофалници, присуствуваше и семејството Канински
    ООУ „Коле Канински“ Битола го одбележа 80-годишниот јубилеј со свечена академија во …
    Емпатија: Дар или казна?
    Емпатите едноставно знаат, без никакви зборови. Ова знаење оди подалеку од интуицијата …
    Напишете коментар

    Вашата адреса за е-пошта нема да биде објавена. Задолжителните полиња се означени со *

    Претплатете се за новости

    You May Also Like

    Пелистер направи уште еден голем чекор понапред кон потврда на „единицата“

    По победата над ТФТ (83:64), „пелистерци“ побегнаа на два бода повеќе пред…

    16 Светски титули и почесен III дан во сите боречки спортови и вештини за Дијана Неделковска и „ЗА-НЕД-ДО” од Битола

    Академијата за боречки спортови и вештини „Златко Неделковски” ЗА-НЕД-ДО од Битола, која…

    Фудбалот е и женска пасија – интервју со битолчанката Ангела Домазетовска, ФИФА судија

    Битолчанката Ангела Домазетовска уште нод 10 годишна возраст започнала да се занимава…

    Интервју со Маја Атанасовска, организатор на првата женска трка во Битола – Биди своја

    На 17 јуни во Битола ќе се одржи првата ноќна женска трка…