Денеска во спортската сала „Боро Чурлевски” по повеќе години повторно се собраа кошаркарките на ЖКК „Пелистер” кои во периодот од 1998 до 2004 година го носеа дресот на клубот. Одиграа мини натпревар, се потсетија на времето кога беа конкурентни на скопските екипи и успешно се натпреваруваа во Првата македонска лига предводени од тренерите Диме Неделковски, Горјан Стојановски и Менела Бабука. Во тој период женската кошарка во Битола беше на високо ниво, постојано пласманот беше меѓу првите 3-4 екипи.
-Повторно се вративме онаму каде ги започнавме првите чекори во кошарката. Се присетивме на натпреварите во минатото, патувањата и подготовките пред сезоната, ни изјавија девојките.
На денешната средба беа присутни: Ирена Здравкова, Емилија Неделковска, Јасмина Кочовска, Гордана Треневска, Маја Атанасовска, Јулијана Ѓоргиевска, Гордана Атанасовска, Елена Тодоровска, Надица Галовска и тогашниот секретар на клубот Владимир Прчков.