„Поезијата не се толкува, поезијата се чувствува“ беше насловот на настанот кој го реализираа учениците од прва година од СОУ Гимназија „Јосип Броз-Тито“ под менторрство на проф. м-р Даниела Петровска во соработка со Културен и информативен центар-Битола.
Поезија сѐ помалку се чита, така што преку овој настан учениците ги обновија знаењата и вештините од редовната настава по Mакедонски јазик и книжевност како да се негува правилното акцентирање според правилата на македонскиот јазик и изразно читање на поетската творба од македонски и странски поети . Но, исто така ова беше одлична вежба за настап пред публика, говорење пред микрофон, ако се земе предвид дека според наставната програма учениците имаат и часови каде што презентираат најразлични теми во склоп на нивното формално образование. Гости на настанот беа деветтодделенците од ООУ „Елпида Карманди“ – Битола.
Културен –информативен центар од Битола активно соработува со младите и една од целите на оваа институција е да го збогати нивното неформално образование преку креативни настани, каде младите луѓе, тука спаѓаат и учениците од средните и основните училишта учествуваат, креираат или учествуваат во културно-уметничките настани.
Имаат можност да се стекнат со најразлични вештини и искуства, да шират познанства и да допринесат во подигнувањето на културната вибрација на Битола.
