Во што е поентата да се фотографира? Некој ќе рече, секој го може тоа. Дали фотографијата е уметност? Дали животот е уметност? Фотограферите ја имаат дарбата да создаваат сеќавања…Да го грабнат моментот, поетиката на мигот и да ја замрзнат во сеќавање.
Даниел Ѓурчиновски, официјален фотограф на Џез Фабрика Фест, човек кој невидливото го претвори во видливо, денеска во Кристалната сала на Офицерски дом – КИЦ Битола преку автентични фотографии ги претстави изведувачите од 5-те изданија на битолскиот и светски фестивал Jazz Factory .
„Даниел е нашиот идеен творец, дел од тимот кој го создаде фестивалот и секако наш арт директор“, истакнуваат организаторите на фестивалот.
Главната, музичката програма оваа година ќе се одржи од 13 -ти до 15- ти април со настапот на повеќе реномирани џез музичари од Македонија и странство.Фестивалот ќе биде отворен со настапот на Баба Сисоко од Африка, Тони Китановски од Македонија и Васил Хаџиманов од Србија.
