Со свеченото отворање, денес во 18 часот во спортската сала на Медицинското училиште во Битола, започнува 13. издание на Меѓународниот велигденски кошаркарски турнир „Битола 2025“, во организација на КК „Младост“ и Општина Битола.
Турнирот е поделен на два дела: младински турнир (3–4 мај) и турнир за ветерани над 40 години (10–11 мај).
Во рамки на младинскиот турнир, кој ќе се одржи во пет училишни сали, ќе учествуваат над 200 млади кошаркари, родени од 2011 до 2016 година, во машка и женска конкуренција. Учесници ќе има од Македонија, Србија, Албанија, Хрватска и Грција.
Претседателот на Организацискиот одбор, Горјан Стојановски, истакна дека со годинашниот турнир, Битола се позиционира како важен кошаркарски центар на Балканот за младинска кошарка.
