После успешниот самостоен концерт во Струга кој се одржа на 8 август во Домот на културата, како дел од осмото издание на Дрим Шорт – Фестивал на краток филм, ФОЛТИН најавуваат незаборавно музичко уживање и во Битола, како дел од нивната августовска домашна турнеја.
Концертот ќе се одржи на 16 август на Ракометното игралиште кој ќе биде отворен со младите битолски бендови: “Tzar von time” “Siotto jazz” и “Corrosion”, додека како специјални гости ќе настапат СУПЕРХИКС. Влезници ќе можат да се купат во Aries Travel, Tobacco Brothers.
Ако е летото жешко нека е таква и музиката, порачуваат од ФОЛТИН!
Третиот концерт пак, дел од турнејата на Фолтин ќе се одржи на 25 август во Вински музеј – Тиквеш, во соработка со Домот на културата „Иван Мазов – Климе“.
