При крај се подготовките на годинешниот спектакл во организација на ОО Црвен Крст Битола – Мини Олимпијадата. Од Црвен крст велат дека се изненадени од бројот на пријавени екипи, па затоа одлучија роковите за пријавување да ги продолжат до ден пред самиот натпревар.
„Освен нашите волонтери, се имаат пријавено над 70 наши соученици, другари, пријатели кои сакаат да го разиграат она хуманото во себе. Овој настан го правиме со цел сите натпреварувачи, битолчани и волонтери на сите Општински Организации на Црвениот крст, несебично да го покажат својот натпреварувачки дух кој ќе донесе многу важни хуманитарни средства. Овој настан сакаме да стане традиција и да се одржува барем секоја втора година, така што се повеќе млади ќе бидат вклучени во него, а Битола нашиот град на конзулите ќе стане место на хуманоста кој секојдневно ќе мами насмевки на лицата на секој од нас“ вели Лина Чашитовска, волонтер во ОО Црвен крст Битола.
Свеченото отворање на Олимписките игри е на 18-ти август во 19:30 на Плоштад Магнолија на кое секој ќе може да присуствува.
Пријавувањето е преку QR кодови што се на подолната слика и преку линкови кои можете да ги најдете на официјалната Фејсбук страна на Општинска Организација Црвен крст Битола или фотографијата подолу.
