По повод Меѓународниот ден на детето О1.О6. во Министерството за надворешни работи на Република Бугарија гостува специјална изложба поставена под мотото: „Од децата за децата од целиот свет” од Детското ликовно студио Свети Кирил и Методиј од Битола.
Изложбата е реализирана во соработка на Државниот културен институт при Министерството за надворешни работи на Република Бугарија заедно со Генералниот конзулат на Република Бугарија во Битола и Културно – информативниот центар на Република Бугарија во Скопје кои се партнери организатори заедно со Детското ликовно студио Свети Кирил и Методиј од Битола – Мал Битолски Монмартр.
Во периодот од 01.06. – 29.07. ќе бидат излезни 60 детски ликовни дела од 14 земји кои се селекција од 40 детски ликовни колонии [ кои веќе 41 година се реализираат во периодот од 23 – 3О.О5. ] а на тема архитектура која е сликана во Битола – Охрид – Крушево и Вевчани.
Сите млади автори се ликовни уметници кои се наградени со златни медали и се дел од колекцијата на организацијата. Вечер ќе бидат претставени дела од млади ликовни уметници од Романија – Кина – Малезија – Тајланд – Турција – Бугарија – Украина – Македонија – Србија – Словачка – Индија – Албанија – Египет и Полска.
Официјалното отворање е денес, О1.О6. со почеток од 17 часот а на него освен преставници на галеријата & колонијата [ Претседателот Елена Хаџи-Антоновска, Проект менаџерот Славчо Неделковски и Ликовниот педагог Ангела Каранфилова ] ќе се и претставници од дипломатските претставништва во Софија како и претставници на македонската амбасада и Културниот Центар на Македонија во Софија.
