Оваа недела Битола е во хумана и празнична атмосфера. Велат богатството е во срцето и дарувањето, па како што Бог дарувал љубов и радост и ние тоа да го направиме за оние кои неизмерно треба да им се помогне. Хуманитарната организација „Утешител” и група хуманисти од Битола покренаа голема хумана акција „РАДОСТ И УТЕХА ЗА СЕКОЕ СЕМЕЈСТВО”. Секој може да одвои средства колку за едно испиено кафе и да ги донира на пунктовите каде што ќе бидат поставени кутии за донации. Сите собрани средства ќе бидат преточени во храна и залихи на храна и лекови за загрозените семејства во Битола.
Пунктови за донации ќе има од денес до сабота на следниве места: ШИК маркети (10 маркети ШИК низ градот), Месара „Драни”, Месара „СТ-Кировски”, Пекара “Векна”, Пекара ” Ванила” – Ат пазар, Аптека “Роса Вита”, „Флекс” кредит, Месара “Дрвен пазар” – Нов пазар, Маркет „Тома” на ул. Охридска. Колички за донација на храна ќе има во горно Веро и Тинекс. И за љубителите на секојденвното кафе средства ќе можат да донираат во следните кафулиња: Тач, Јагода, Централ, Везилка, Бариста, Добри вибрации, Портал, Пицерија Шведски.
Во петок на плоштадот „Магнолија“ ќе има и штанд и секој минувач ќе може да даде свој мал придонес. Секој љубител на кафето нека замисли дека почестил некого со кафе, а всушност со тие пари ќе нахрани гладен. Нека биде радост за сите и нека секое семејство има достојна трпеза за празниците. Што повеќе донации имаме со толку повеќе залиха на храна ќе се обезбедат социјално загрозените семејства.
НЕКА БИДЕ РАДОСТ И УТЕХА ЗА СЕКОЕ СЕМЕЈСТВО!
ПОДАРЕТЕ ВЕЛИГДЕНСКА РАДОСТ!
