koncert

„Засекогаш во срцата“ е насловен концертот посветен на музичките легенди: Тоше Проески и Пепи Бафторовски.

Закажани се два концерти на 24 и 25 февруари на големата сцена на НУ „Центар за култура“ – Битола во соработка со Камерниот оркестар под диригенција на Владимир Димовски, а ќе настапат пејачите Бојан Маровиќ од Црна Гора, од македонските музичари Викторија Лоба, Ламбе Алабаковски, Димитар Андоновски, Александра Јанева, Бојан Стојков, Сефедин Бајрамов, Сара Гигова, Марија Митровска и Марија Цветановска.

Концертот е поддржан од Министерството за култура.

На 3 март во Битола ќе гостува Иван Босиљчиќ, миленикот на режисерот Здравко Шотра, театарски и филмски глумец, кој со неверојатен шарм ги одигра главните машки ликови во повеќето екранизирани романи на Милица Јаковлевиќ. Неговиот уметнички настап е насловен „Наша вечер“ , музика и поезија – еден препознатлив дамар на Битола и еден смирен Балкан, враќање во едно минато натенане време кога се умееше да се живее. Оваа уметничка вечер е самостоен проект на  НУ „Ценатр за култура“ – Битола.

Влезниците за двата концерти се веќе пуштени во продажба, а заинтересираноста на публиката е огромна.

Маја Андоновска Илијевски, директорка на НУ „Центар за култура“- Битола ја претстави програмата и тековните културни настани кои ќе се организираат под нивна капа, финансиски поддржани од Министерство за култура и Општина Битола. Иако годинава ќе се работи со скратен буџет, сепак,  Битола ќе биде во фокусот на културните збиднувања во државата.

koncert naslovna

Директорката Андоновска- Илијевски го најави годинешново издание на ИФ Монодрама кој ќе се оджи во мај, следуваат детски работилници, изложби, Монографски каталог по повод 40 години творештво на Дрган Најденовски и ретроспективна изложба, повеќе музички настани со Камерниот оркестар, препознатливиот фестивал за Битола и за цела Македонија  „Илинденски денови“, издавање на носач на звук на кларинетистот Стојан Трајковски, семинар на традиционална музика и песна и Симфонија концерт на Благојче Трајковски.

Директорката изјави дека  во целокупната програма која ќе биде на репертоарот предност им се дава на македонските уметници, а голема е вклученоста и на младите уметници.

Таа најави дека наскоро Центарот, исто доби финансии за распишување на конкурс за македонски монодрами, кој е неверојатно добра инцијатива, со оглед дека сѐ повеќе млади актери се занимаваат со подвигот монодрамска изведба и тоа доста успешно, како што искоментира и директорката – затоа што младиот уметник во процесот влегува искрено, а уметноста не трпи манипулација.

НУ „Центар за култура“ Битола, на чело со Маја Андоновска Илијевски и нејзиниот тим постојано го  докажуваат клишето кое гордо звучи  – Битола е град на културата.  Тоа го докажува  репертоарот, но и публиката, која не ја сочинуваат само битолчани туку посетители ширум државата.

Така што публиката желна за уметичка забава нека го следи будно распоредот на настани како и што доликува на град кој е основата на културата во Македонија.

Напишете коментар

Вашата адреса за е-пошта нема да биде објавена. Задолжителните полиња се означени со *

Претплатете се за новости

You May Also Like

Џепането како културен, историски и рекреативен центар – Магистерски труд на Искра Јовевска од Битола

Продолжуваме со презентирање на магистерските трудови изработени од 6 млади архитекти од…

ООУ „Ѓорѓи Сугарев“ Битола го доби признанието за Најдобра установа од областа на заштитата, образованието и рехабилитација на лицата со попреченост

Фондацијата ,,Професор д-р Љупчо Ајдински”, а на предлог на Сојузот на специјални…

Петти Акатист кон Мајката Божја во храмот „Пресвета Богородица“ во Битола

На 08.04.2022 г., во петтиот петок од Великиот пост, Митрополитот Преспанско-пелагониски и…

Хиподром во близина на Кравари – магистерски труд на Елена Босилковска

Елена Босилковска од Битола, магистриран архитект на Архитектонскиот Факултет при Универзитетот „Св.…