Бендот CODE 369 со битолски регистарски таблички, веќе подолго време го освојува Балканот и она што е најважно е дека се одлично прифатени и слушани, за тоа сведочат и топ листите на регионалниот музички канал MTV. После бројните настапи надвор – бендот повторно се враќа на сцената од каде ги бележи своите почетоци со добро познатиот бенд „Памперс“ кој според членовите на бендот еволуира во денешниов CODE 369, а тоа се забележува и во зрелоста на песните, за тоа битолската и публиката од регионот ќе се увери на нивниот концерт на 22 август, 2024 со почеток од 21 часот на Платото на Офицерскиот Дом – Битола во рамките на Битфест.
Бендот CODE 369 го сочинуваат: Ирена Димовска Митревска (вокал), Даниел Митревски (гитара, придружни вокали), Иле Лулевски (тапани, придружни вокали) и Гоце Јованоски (бас гитара).
Албумот Stages of Love е првиот албум кој го создадоа и снимија како CODE 369
Првиот сингл со наслов „Остани до крај“ кој е многу често вртен на најпопуларните радио станици во државата, е истовремено амбиентален и подвижен, искажувајки ги турбуленциите на емоциите. Стиховите се стремат да ja величаат љубовта на долги патеки. Првиот сингл кој е снимен на хрватски јазик е со наслов Права љубав. Тој зборува за безвременооста и бесконечноста на искрените чувства и несебичноста.
