Битола од 5 до 8 октомври 2026 година ќе биде домаќин на првиот Фестивал на кинески филм, кој ќе се одржи во НУ Центар за култура Битола.
Македонската публика за првпат ќе има можност поблиску да се запознае со современата кинеска кинематографија преку осум филмови што носат различни приказни, жанрови и теми. Програмата опфаќа современи драми, анимација, фантастични авантури, но и филмови инспирирани од богатата кинеска култура и традиција.
Фестивалот свечено ќе биде отворен на 5 октомври во 20:00 часот во Големата сала на Центарот за култура, со проекцијата на филмот „The Sun Rises on Us All“, во режија на Цаи Шангџун. Филмот ги следи животите на обични луѓе, нивните лични избори, човечки односи и животни предизвици, отворајќи прашања за емотивните искуства и внатрешните промени.
Во рамките на фестивалот, на 6 октомври ќе бидат прикажани анимираниот „Fall Into the Mortal World“ и драмата „The Coffin Painter“, додека на 7 октомври публиката ќе може да ги погледне „Monster Hunt 1“ и „When the Night Meets Light“.
Последниот фестивалски ден, 8 октомври, носи три проекции – „Monster Hunt 2“, „Like a Rolling Stone“ и „24 Flavours“, со што програмата ќе понуди содржини за различни вкусови и генерации.
Посетителите ќе имаат можност бесплатно да ги проследат филмовите, што е дел од првата соработка со фестивалот и дополнителна можност за битолската публика да открие дел од современата кинеска филмска продукција.
Програма:
05.10. | 20:00 | Голема сала
„The Sun Rises on Us All“
06.10. | Мала сала
11:00 – „Fall Into the Mortal World“
20:00 – „The Coffin Painter“
07.10. | Мала сала
11:00 – „Monster Hunt 1“
20:00 – „When the Night Meets Light“
08.10. | Мала сала
11:00 – „Monster Hunt 2“
19:00 – „Like a Rolling Stone“
21:00 – „24 Flavours“
Влезот за сите проекции е бесплатен.
