На Државното првенство за деца (У12 и У14) во ката и кумите, кое се одржа на 19.04.2026 година во спортската сала „Шабан Трстена“ во Чаир – Скопје, учествуваа 426 натпреварувачи од 57 клубови од Македонија.
Карате клубот „Заншин До“ од Битола настапи во девет категории и освои два сребрени медали, со што обезбеди и пласман на Балканското првенство кое ќе се одржи од 29 до 31 мај 2026 година во Истанбул, Турција.
Со сребрен медал се закитија:
- Николај Петковски – кумите (-45 кг), машки, 2016 годиште
- Јована Јовановиќ, Бојана Бошкова и Стела Ризова – ката тим, женски (2015–2016 годиште)
На Балканското првенство во Истанбул, Битола ќе ја претставуваат Николај Петковски (2016) и Бојана Бошкова (2015).
Ова е особено значаен успех, бидејќи за првпат по повеќе од 15 години, деца од Битола ќе настапат на Балканско првенство за деца.
На првенството, како селектор на репрезентацијата на Македонија во кати (У12 и У14), ќе го предводам националниот тим, во кој ќе бидат вклучени и каратистите од КК „Заншин До“ – Битола.
