Планинарката Ана Котевска, член на ПСК „Копанки“ од Битола продолжува со освојувањето на висините. Таа беше дел од експедицијата која на 9 август го искачи врвот Дамаванд во Иран, на висина од 5671 метри надморска височина, кој е највисокиот стратовулкан во Азија. Покрај овој врв, тие искачија уште три врва, Пашуре, Алборт и Голе Зард кои ги користеа како тренинг и аклиматизација.

„Стартувавме со искачување на врвот Голе Зард 3706м, за почеток средно тежок терен за совладување, претежно карпест и сув терен. За време на искачувањето на првите три врва како базен камп ја користевме куќата на Менсур, од таму со теренски возила патувавме до стартните точки. За разлика од Голе Зард, другите два врва Алборт и Пашуре изобилуваа со реки потоци и зеленила. Веднаш по извршената аклиматизација на трите врва го стартувавме искачувањето на врвот Дамаванд. Почетна точка ни беше Џамијата на 3200м, од таму имавме 4ч. активно пешачење до базниот камп 2, на висина од 4200м.

298237698 397544132480366 4636386555426124360 n

Базниот камп 2 го користевме скоро 4 дена, спиевме во шатори и сите останати активности, подготовка на храна, ручек, вечера, состаноците ги правевме во шаторите. По програма искачувањето на врвот беше планирано да биде на 10.08, но на тие висини и на планина временската пргноза го диктира планот, па поради влошување на истата, и можност од појава на грмотевици, свесно и самоволно сите согласно, ја скративме аклиматизацијата и врвот го искачивме на 09.08 по 10:30 часот по локално време. Сите учесници успешно и без проблеми се искачивме и спуштивме од врвот.

Останатото време во кампот го искористивме за одмор и прослава на успехот. Она што ќе остане во сеќавање покрај успешното искачување на Дамаванд, се културата, гостопримството и добрината на локалното население.

Кога се искачувате во зоната над 5000 мнв, за да не дојде до поголеми проблеми и компликации по здравјето, според мене клучни елементи се добра психолошка подготвеност и правилна хидратација. На ова искачување не ни беше потребно користење на дополнителен кислород и се помина во најдобар ред“, вели Ана и за другата година најавува искачување на уште повисоки врвови.

Таа е задоволна, заедно со групата од успехот кој го постигнаа и оставрената цел.
Експедицијата беше предводена од Тодорче Горгиев од ПК Азот – Велес, а во истата покрај Ана, учествуваа Драги Павловски од ПСК Димитар Илиевски – Мурато; Никола Гелов – Кавадарци; Сунчица Арсовска, Богољуб Перовски, Виктор Ананиев – Скопје, а дел од екипата беа и два локални водичи, Ашкан и Акхбар.

Прочитајте го и интервјуто на Ана за Читај бе.

    Напишете коментар

    Вашата адреса за е-пошта нема да биде објавена.

    Претплатете се за новости

    You May Also Like

    Тројца битолчани од „Талент“ ќе играат за младата фудбалска репрезентација на Македонија У-14 против Словенија

    Алек Сиваков, Давид Ангелевски и Стефан Секирски од фудбалската школа „Талент“ од…

    Том Круз, Дејвид Бекам, војвотката Кејт аплаудираа на нејзините пресуди – Анета Павловска судеше на Вимблдон

    Битолчанката Анета Павловска, една од најдобрите македонски тениски судии, судеше на годинешното…

    Четвртото издание на „Трчај бе“ низ објективот на Саше Богоевски

    Со учество на 1400 атлетичари од 12 земји од светот, денес во…

    Средба после 20 години на ракометарките и стручниот штаб на ЖРК Пелистер

    На иницијатива на тренерот Борче Марковски кој работи професионално на Фарски Острови,…