Кристиан Стојани, првиот член од возобновувањето на АК ОЛИМП, денес победи на Kiel Lauf 2022, улична трка организирана во градот Кил со три трки 5К, 10К и 21К.
Кристијан, кој во моментот живее во Германија, но сѐ уште е член на АК Олимп, носејќи го дресот на својот драг клуб, денес победи на 5К трката со резултат 17:35.
„Трката беше тактичка, заради нагорнините кои ги имаше до 3-тиот километар, потоа гужвата се разби и борбата за позиција беше непредвидлива со самиот финиш на трката. Задоволен сум од резултатот, а и целиот настан беше одлично организиран. Ве следев на социјалните медиуми како одеше ТРЧАЈ БЕ годинава и можам само едно да кажам дека нашата битолска трка е одлично организиран спортски настан кој комотно може да се спореди со вакви градски трки организирани во услови на една Германија” – рече Кристиан Стојани соопштувајќи ја оваа одлична вест.
