По повод Светскиот ден на учителот 5 октомври, во просториите на Општинското основно училиште „Киро Глигоров“ во Скопје се одржа традиционалната манифестација „Просветен работник на годината за учебната 2021/22 година“ на која Сојузот на просветните работници додели признанија и плакети на истакнати просветни работници од предучилишно, основно и средно образование.
Признанието Просветен работник на годината за учебната 2021/2022 година го добија двајца битолчани. Во категоријата воспитувач од предучилишно воспитување признание доби Татјана Грегова, воспитувач во ЈПУГД „Мајски Цвет“- Битола.
Од средното образование – Илче Ацески, признанието го доби наставникот по информатика во СОТУ „Ѓорѓи Наумов” – Битола.
Врз основа на одредбите на Статутот на Сојузот на просветните работници на Република Северна Македонија, Претседателството на Сојузот, на ден 18.09.2022 година ја донесе следната одлука :
Одлуката е донесена на предлог на Комисијата за доделување на награди и признанија во рамки на Сојузот, по извршено вреднување во приоритет на поднесените прилози од учесниците пријавени по Конкурсот распишан од ден 27.06.2022 година, каде сите просветни работници беа известени за отпочнување на постапката за прогласување на Просветен работник на годината за учебната 2021/2022 година, објавено на веб страница на Сојузот и според Правилникот за доделување на награди, признанија и пофалници на Сојузот на просветните работници.
