Од 25 јули до 2 август, традиционално, на Широк Сокак по 18 пат се одржува Базарот на ракотворби „Во срцето на Битола“ во организација на ЗУР Македонски ракотворби, која оваа година е поддржана од Општина Битола.
„Оваа година мотото е „Повелете во срцето на Битола“. Имаме гости од цела Македонија, Скопје, Куманово, Велес и наши битолчанки. Тоа се ракотворци кои работат различни техники: накит, срма, филиграм во срма, полудрагоцени камења, играчки, плетен накит, декупаж, цркви, накит и уште многу интересни изработки“, вели Снежана Јанкулова од ЗУР Македонски ракотворби.
Разните ракотворби изработени од страна на вештите раце на ракотворците кои се дел од оваа манифестација, ќе бидат присутни цел ден и во текот на вечерните часови на Широк Сокак се до Илинден.
Фото: Саше Богоевски
