Со музичкиот настап на Битолскиот бенд – Corrosion во 20.30 започна 10-тото по ред издание на ФЕСТИВАЛОТ ЗА ЛИТЕРАТУРА И АУДИО ВИЗУЕЛНИ УМЕТНОСТИ „300 РАБОТИ, ТРИСТА“. Организаторот Игор Трајковски Фоја, спомна дека низ годините се случиле „300 работи“, а низ годините фестивалот започнувал со промоции на книги, спотови, филмови. Учествувале гости од целата земјина топка, за годинешното издание да започне со музички настап на младиот битолски бенд, кој создава авторска музика. Вечерта помина во позитивна атмосфера, во која посетителите покрај бендот Corrosion, имаа можност да го проследат настапот на Битолскиот Рок бенд – Sound Waves со кој се заокржи првата фестивалска вечер.
Вечерва на програмата е промоција на книгата „Колегиумски Записник 009“ зборник на трудово од група автори, пропратена со – Дизајн на храна и музика, ДЈ сет ILE THE HEAR. Денешниов настан е во коорганизација со здружението ЛАТЕРАЛ.
