Сите ние се трудиме да консумираме здрава и корисна храна, но често не сме ни свесни колку таа силно може да влијае на нашето тело и колку може да придонесе за нашето здравје.
Кога станува збор за куркумата – на оваа тема многу се зборува, пишува, прераскажува за неверојатните придобивки од овој прекрасен зачин, но еве уште еден многу интересен начин за одржување на тонусот на телото. Она што е исто така важно е тоа што е достапна за секого.
Една жена од Велика Британија решила да спроведе експеримент и почнала да додава куркума во топлата вода, која ја пиела секое утро. Веќе по една недела забележала позитивни промени: варењето и се подобрило, кожата на лицето и се исчистила и будењето наутро и било полесно.
Освен што куркумата е еден од најкорисните зачини, кој на јадењата им дава одлична арома и боја, таа е добра и за организмот, бидејќи има антивоспалителни, антиоксидантни и подмладувачки својства.
Главната состојка одговорна за сето тоа е куркуминот. Благодарение на него, водата со куркума е еден од најлековитите напитоци, кој често го нарекуваат еликсир на здравјето.
Рецептот за чудотворната напивка
Состојки: Половина лажичка куркума и 1 чаша топла зовриена вода (може да се користи топло млеко).
Истурете куркума во чаша вода и измешајте. Напитокот се пие во првиот дел од денот. Пред или после појадок. Можете да додадете прстофат бибер, за смесата добро да се впие. Пијте го овој напиток 2 недели, а потоа направете пауза (2 недели). Доколку на овој напиток додадете и малку лимон и мед, ќе биде полн погодок за превенција и лекување!
Позитивно влијание врз организмот:
♥ Здравјето на срцето. Куркуминот го спречува згрутчувањето на крвта.
♥ Подобрување на варењето. Го нормализира варењето и го забрзува метаболизмот.
♥ Заштита на црниот дроб. Ги обновува оштетените клетки.
♥ Ги ублажува симптомите на артритис. Го намалува отокот и ја ублажува болката подобро од диклофенак.
♥ Превенција од рак. Познато е дека ракот најдобро напредува во кисели средини, а куркумата го алкализира телото и на тој начин го штити вашето здравје.
♥ Позитивно влијае на здравјето на луѓето кои боледуваат од дијабетес
♥ Студија на Универзитетот Обурн од 2009 година покажа дека куркумата може да го подобри целокупното здравје на луѓето со дијабетес.
Важно: Иако куркумата е позната како природен антибиотик, постојат контраиндикации при користење на напитокот, па затоа пред да започнете да го консумирате напитокот – консултирајте се со вашиот лекар.
Доколку земате какви било лекови, консултирајте се и со вашиот лекар. Особено, ако страдате од хемофилија и хипертензија, бидејќи куркумата ја разредува крвта и го намалува притисокот, иако за повеќето тоа ќе биде само голем плус. Но, освен што го намалува крвниот притисок, куркумата може да предизвика и пад на нивото на шеќер во крвта.
Луѓето кои страдаат од дијабетес, исто така, треба да се консултираат со својот лекар. Но, она што е навистина опасно е да консумирате куркума доколку имате болест на жолчното кесе и таложење на камења во него, бидејќи куркумата предизвикува контракција на мускулите на жолчното кесе.
Куркумата е исто така контраиндицирана:
- во големи дози за време на бременост и при гастритис и чир на желудникот
- деца под 5 години
