На 13 јуни 2026 година, по трет пат, Танцовиот спортски клуб „Степ Ап“ од Битола ќе биде домаќин на меѓународниот танцов спортски натпревар BITOLA OPEN 2026, настан кој традиционално ги обединува најдобрите танчери, тренери и судии од земјата и странство.
Како дел од официјалниот календар на Светската танцова спортска федерација (WDSF), BITOLA OPEN 2026 претставува врвен спортски и културен настан кој ја позиционира Битола на светската танцова мапа.Годинава, повеќе од 280 натпреварувачи од 10 земји ќе ги покажат своите вештини, талент и посветеност во дисциплините:латиноамерикански танци,стандардни танци,модерни спортски танци.
Настапите ќе ги оценува стручно судиско тело составено од реномирани домашни и меѓународни лиценцирани судии, што гарантира високи професионални стандарди и фер натпреварување.BITOLA OPEN 2026 не е само спортски натпревар, туку и вистинска прослава на танцот, уметноста, спортот и пријателството.
Посетителите ќе имаат можност да уживаат во врвни изведби, раскошни кореографии, елеганција, енергија и емоции кои оставаат силен впечаток.Настанот ќе се одржи на 13 јуни во спортската сала „Боро Чурлевски“ во Битола, каде љубителите на танцот ќе можат да бидат дел од вистински меѓународен спектакл.
Организаторите ги покануваат сите граѓани и гости на градот заедно да уживаат во магијата на танцот и да ги поддржат натпреварувачите кои ќе пристигнат од различни делови на Европа и светот.
BITOLA OPEN 2026 – каде што секој чекор зборува, а танцот ги обединува луѓето од целиот свет.
