Легендарниот актер, музичар и стенд-ап комичар Бранко Ѓуриќ – Ѓура утре, на 30 мај (петок), премиерно ќе настапи во Битола со својот стенд-ап спектакл „Ѓурологија“. Настанот ќе се одржи во Центарот за култура со почеток во 20 часот.
„Ѓурологија“ е без конкуренција најпосетениот стенд-ап настап на Балканот во последната деценија, а оваа година слави 10 години од првата изведба. По илјадници продадени билети, бројни аплаузи и гостувања низ регионот, битолчани конечно ќе имаат можност да уживаат во уникатниот хумор и шарм на Ѓура, добро познат по своите улоги во „Топ листа на надреалисти“, „Аудиториум“, како и по музичката кариера со групата „Забрањено пушење“.
Влезниците се веќе во продажба, по цена од 750 денари, и можат да се набават онлајн преку karti.com.mk, на билетарницата на Центарот за култура во Битола и во продажната мрежа на karti.com.mk низ Македонија.
Настанот се очекува да предизвика голем интерес, па организаторите препорачуваат навремено обезбедување билети.
