Верниците од исламска вероисповед денеска го слават празникот Рамазан Бајрам, кој се смета за еден од петте столбови на исламот и за празник за духовно и за телесно прочистување.
Во неколку од битолските џамии се одржа утринската молитва, а верниците потоа ги посетуваат гробиштата на блиските.
Рамазан Бајрам се слави три дена, а доаѓа по едномесечниот строг пост. Рамазан е месец на добрината, љубовта и на милоста.
Празникот Рамазан Бајрам е неработен за сите граѓани во државава.
