Од октомври 2022 година, Здружението за развој на ромската заедница „Сумнал“ започна со имплементација на нов солидарен проект „Заедно посилни“ во рамките на програмата Европски солидарен корпус, финансиран од Националната агенција за европски образовни програми и мобилност.
Општата цел на овај проект е да придонесе кон националните напори насочени кон социјална инклузија на постарите и младите Роми со заземање проактивен став и поддршка на развојот на социјално зајакнување и хуманитарни мерки. Други цели се: – да се даде придонес во секојдневниот живот на старите Роми; – да се создаде средина за подобрување на здравствените и општествените услови на старите лица за да имаат пристап до постоечки медицински и социјални услуги; – да се промовираат активности за меѓугенерациски дијалог преку промоција и работа на младинскиот волонтерски сервис во рамките на проектот; – да се даде придонесе во општественото препознавање и вклучување на постарите Роми преку споделување информации и кампањи.
Во месец октомври се одржа воведен состанок за планирањето на активностите, како и теренска посета за промоција на проектот и мапирање на стари лица од ромската заедница кои ќе бидат наши корисници. Следниот месец започнаа активностите и беше спроведена работилница со старите лица каде што заедно со докторката Ангелина Велјановска и сестрата Весна Стоименова од Здравствениот дом од Битола им се мереше крвен притисок. Исто така, имавме посета од делегација на Националната агенција за европски програми и мобилност, предводена од директорот м-р Марко Ѓорѓиевски. За време на посетата ги преставивме активностите од проектот заедно со важноста на овие проекти и можностите што ги нуди Европскиот солидарен копрус за ромската заедница. На средбата беа присутни и корисници на нашите услуги од ромската заедница во Битола кои имаа можност да укажат на потребата од активностите кои ги нудиме со помош на проектот, како и да ја искажат својата благодарност.
Со проектот се предвидува да се постигне следново: 1. Воспоставен социјален центар во просториите на „Сумнал“ за стари Роми кој ќе го подобри нивниот социјален живот и социјалните интеракции; 2. Спроведени 3 социјални настани насочени кон Ромите и неромската поширока јавност; 3. Обезбедени правни и социјални услуги и совети на корисниците на проектот; 4. Обезбедени основни медицински консултации и споделување информации до корисниците; 5. Зголемено општествено признание на постарите Роми.
