Локалниот економско-социјален совет на Општина Битола во соработка со Младински културен центар – Битола иницираше јавна дискусија на актуелна тема „Урбана мобилност – можности, практики и одржливи проекти“.
Се опфатија мноштво аспекти: урбанистичко планирање, одржлива урбана мобилност, јавен градски превоз, велосипедски патеки, загадување на воздухот, енергетска криза, мобилност на лицата со посебни потреби, вклученост на младите…
Над 50 учесници од сите засегнати субјекти зедоа учество: локална власт, академска заедница, јавни претпријатија, бизнис сектор, граѓански сектор, образовни институции, студенти, средношколци, граѓани, медиуми.
Настанот се организираше во рамки на проектот „Унапредување на социјалниот дијалог во заедницата“ поддржан од Меѓународниот институт Олоф Палеме од Шведска, како дел од програмата на општина Битола за прослава на 4-ти Ноември, Денот на ослободувањето на Битола.
