Пелистер Волеј иако стартуваше во плеј-аут серијата како прво пласирана екипа, сепак со 2 победи и 4 порази не успеа да се пласира на 1 или 2 позиција, односно 5 или 6 место во конечната разврска.
„Четирите екипи ги делеа нијанси, по некој сет, па на моменти решаваа и поени, а Пелистер Волеј можи да жали за неколку натпревари, но натпреварот во салата Борио Чурлевски кога против екипата на Универзитет Тетово прокоцкавме шанса во петтиот сет и водство од 10:03, тоа е натпревар што има голема тежина и сет што дефинитивно не чини бараж“, велат од пелистер волеј.
Пелистер Волеј е во бараж за опстанок и ја чека разврската од натпреварите во втора лига, односно второпласираната екипа со која ќе вкрстиме во двомеч (гости-дома), а подобриот останува во најдобрите 8.
Деталните анализите ќе следат дури потоа, без разлика на конечниот исход, а секако посакувана цел бескомпромисно е останување во елитата. Второлигашите имаат уште доста за играње, со конечна разврска на 2 Мај, а ние имаме доволно време за одмор и дополнителни подготовки за претстојниот бараж двомеч кој ќе се игра на 9 односно 12 Мај“, велат од Пелистер Волеј.
