Вчера заврши Пијано Фест 2023 кој се одржа во организација на Здружението на пијанисти и музички педагози ПИЈАНО од Битола, основано од Марија Шамоска Буџаковски и Јана Четелева Белевска. Фестивалот се одржа во соработка со Културно Информативниот центар – Битола и поддржувачот на натпреварот, Државното музичко училиште од Битола.
Натпреварувачите оваа година ги оценуваа меѓународно жири во состав: Маргарита Вујовиќ (Србија/Русија), Мирела Туше Вонгли (Албанија) и Катерина Кетковиќ Фидановска – во категориите за пијано.
На ова петто издание за прв пат е додадена нова натпреварувачка категорија, соло пеење, кое беше следено и оценето од: Анастасија Холц (Србија), Маја Митровска (Македонија) и Александра Коцевска (Македонија).
„Благодарност до сите талентирани учесници од Македонија, Србија, Хрватска, Албанија, Косово, Полска, Ерменија и Бугарија, како и до нивните професори и родители, кои што со своето присуство ни го направија натпреварот одличен и го раздвижија нашиот град, воодушевувајќи се на неговата убавина.
За Лауреат на Пијанофест 2023 е прогласен Jurgen Alia ( Албанија) кој што добива финансиска награда и концерт на следниот Пијанофест 2024, награда The most perspective artist беше доделена на Саманта Шпата, родена 2012 год., награда за најдобро изведено македонско дело доделена беше на Јана Блажеска ( соло пеење) и награда Лауреат во дисциплината соло пеење доделена на Јана Блажевска која добива парична награда.
Како организатори, презадоволни сме од реализацијата на настанот кој што се одржа со несебична поддршка од Министерството за култура, Општина Битола, КИЦ – Офицерски Дом – Битола и Државно Музичко Училиште – Битола. Битола уште еднаш покажа дека со право го носи епитетот ГРАД НА КЛАВИРИ“, велат организаторите на Пијано фест.
