Членот на велосипедскиот клуб „15 Мај Пелистер“, Илија Ѓеоргиевски од Битола го освои второто место во најсилната категорија Елит на меѓународната даунхил трка „Rolling Stones 2023“ која се одржа во Нишка Бања, Србија.
Трката која годинава го имаше третото издание, воедно беше и државно првенство и на неа се натпреваруваа над 100 велосипедости од неколку држави во повеќе категории.
Велосипедскиот клуб „15 Мај Пелистер“ од Битола освои второ место во Елит и трето севкупно.
Инаку, Илија кариерата ја започна пред околу 5 години во клубот во роад дисциплина, додека пред две години започна да вози даунхил каде има достигнато врвни резултати.
Од пред две години, клубот се натпреварува и во оваа дисциплина со 8 велосипедисти кои имаат освоено неколку први и втори места како на домашни така и на меѓународни натпревари.
