Синоќа во Магазата се отвори мултимедијалната изложба „Нови естетики, нови простори”, на која се претставени 5 современи уметници: Моника Мотеска и Роберт Јанкулоски од Македонија, и Весна Перуновиќ, Стеван Којиќ, Божo Васиќ од Србија, со нивни дела од областа на видео, фотографија, дигитална анимација, дигитален цртеж, објект, инсталација, амбиент.
Уметниците претставени преку овој проект се движат во проширеното поле на уметноста, а нивната практика се одвива преку мултимедијални и интердисциплинарни истражувања, подготвени за дијалог на различни технички и технолошки процедури. Уметниците припаѓаат на средната генерација кои веќе имаат богати биографии на изложбени активности, бројни награди, меѓународно искуство и значајни истражувања во областа на визуелната уметност.
Куратор на оваа изложба е Светлана Младенов.
Фотографии: Диоген Хаџи-Коста Милевски
