happy mothers day 4025284 1280

Некако, го замислувам Бог како лебди над земјата. Мајките ги избира според нивното движење, грижа и одлучност. Додека тој набљудува, им дава упатства на своите ангели да ги забележат неговите одлуки во книга.

344272269 1334547900429847 1975618327872594487 n

Бог им го кажува името на детето и се насмевнува…

„Неа подари ѝ недоносенче“.

Ангелот љубопитно го праша: „Зашто токму таа Господи? Таа е многу весела“.

„Токму поради тоа!“– насмеан му одговори Бог.

„Мислиш ли дека недоносенче можам да ѝ дадам на мајка која не умее да се смее? Тоа би било многу грубо“.

„Но, има ли таа доволно трпение?“ – повторно праша ангелот.

344285888 1966642520353514 7210072161795079172 n

„Не сакам да има премногу трпение, ќе потоне во море од сожалување и очај. Кога шокот и лошото ќе ѝ мине, таа одлично ќе се снајде. Денеска ја гледав. Таа го има она чувство, ретко, но е неопходно за да се биде мајка. Гледаш, детето кое планирам да ѝ го подарам има само свој свет. Таа ќе мора да научи да живее во неговиот свет, и тоа нема да ѝ биде лесно…“

„Ама, Господи, јас мислам дека таа дури ни не верува во тебе“.

Бог се насмевна: „Нема потреба, тоа можам да го решам. Таа е совршена за ова дете, во неа има доволно себичност“.

Ангелот се најде зачуден: „Себичност? Дали е тоа доблест?“

Господ климна со главата: „Ако не може да се одвои себеси од детето, од време на време, ќе не може да преживее. Да…Оваа жена ќе ја благословам со дете кое не е совршено. Таа сѐ уште не знае, ама неа многумина ќе ѝ завидат. Ниеден збор нема да го земе здраво за готово. Никогаш нема да размислува на обични потези и чекори. Кога за првпат нејзиното дете ќе ѝ  рече „МАМА“, таа ќе биде сведок на чудо и ќе биде свесна за тоа.

Ќе ѝ дозволам бистро и чисто да ги види работите кои јас ги гледам – незнаењето, човечката грубост, предрасудите и ќе ѝ дозволам да се издигне над сето ова. Таа никогаш нема да биде сама. Јас ќе бидам покрај неа, секоја минута, секој ден од нејзиниот живот, затоа што таа ќе ја работи мојата работа, исто ко да е покрај мене“.

„А што ќе биде со нејзиниот Ангел – чувар?“ – праша  ангелот држејќи ја писалката подготвен да запише.

Бог се насмевна: „Огледалото ќе биде доволно“.

344279439 265498385895609 7778948329409059275 n

…и така еден ден, на свет дојде малку е да се каже прекрасен дар, од два килограми, за кого докторите даваа различни дијагнози. Но таму, покрај прозорецот од луксузната болничка соба, една нова мајка стоеше исправена пред прозорецот, со рацете ја допираше раната од итниот царски рез, а погледот ѝ беше насочен кон тмурното небо исполнето со постојани електрични празнења. Ниедна дијагноза не ја прифати за прогноза, туку насмевнувајќи му се љубезно на болничкиот персонал кој одвреме- навреме ќе ѝ влезеше в соба за да ја праша како се чувствува, дали нешто ѝ е потребно, таа само понекогаш ќе побараше вода. Само нејзиното дете ѝ беше потребно да си го стави на гради како што е ред. Па така, таа во тишина почна ревносно да се моли, без прекин и беше сведок на чудо, токму како што му вети Бог на ангелот, токму на четириесеттиот ден. Таа сведочеше дека го роди својот учител.

270370524 2019326601583386 7752427245215679246 n

Текстот делумно е презмен од  devetmeseci.net

Напишете коментар

Вашата адреса за е-пошта нема да биде објавена. Задолжителните полиња се означени со *

Претплатете се за новости

You May Also Like

Кога љубите не велете: родени сме еден за друг, оти љубовта е потрага, не се добива по раѓање – поетски израз на Влатко Деловски

Влатко Деловски е човек – систем, роден во Битола, а потекнува од…

Биљана Т. Димко: Човек кој нема свој јазик е еднаков на човек кој нема гробно место – нема име

Пишува: Биљана Т. Димко Двата столба на македонскиот идентитет од искона до…

„Светот стана прибежиште за сите стравови“ – Виктор Дамчевски, кој умее да го чуе она кое не говори

Виктор Дамчевски е економист по професија. Живее во Битола. Често има ораторско…

„Скокнав од работ на совеста и нурнав во вртлогот на забрзаниот крвоток“ – денот на поезијата го одбележуваме со стиховите на Силвана Нешковска

На Светскиот ден на поезијата беше промовирана збирката поезија „Првата половина“ од…