Се е подготвено за јубилејното 10. издание на Pelister Downhill Cup кој викендов од 19 до 21 август ќе се одржи на Пелистер. Патеката е подготвена за почетокот на трката в петок. Инаку патеката е со должина од 2100 метри, а висинската разлика е 425 метри.
-Ова е јубилејна трка, 10-та по ред, а ја реализираме со огромна поддршка скоро од цела Македонија. Екстрим бајк тим се надева на успешно органиизрање на овој настан. Ќе има учесници скоро од цел Балкан, учесници од 9 држави, а главното дефиле ќе биде во недела на 21 август, вели еден од организаторите, Јовче Даскаловски од Екстрим Бајк тим од Битола.
Инаку, медали и пехари ќе бидат доделени за првите пет најдобри времиња во секоја категорија поединечно. Организаторот во соработка со спонзорите и партнерите на трката обезбедува дополнителни награди за најдобрите пет времиња од сите категории: Наградата за првото најдобро време изнесува 400 евра, Наградата за второто најдобро време изнесува 250 евра, Наградата за третото најдобро време изнесува 150 евра, Награда за четвртото најдобро време изнесува 100 евра, Наградата за петтото најдобро време изнесува 70 евра.
