Велосипедскиот клуб Пелистер 15-ти Мај од Битола утре ќе се натпреварува на „Пролетната велосипедска трка 2022“ во Косово на која учество ќе земат клубови од Македонија, Албанија и Косово.
„Ќе се вози од Приштина до граничниот премин со Македонија и назад до Приштина во должина од 125 километри. „15-ти Мај“ ќе настапи во три категории, кадети, у23 и елит со велосипедистите: Никола Дамјановски, Михаил Богдановски, Андреј Лешнаров, Даим Мухарем и Бојан Стојчевски“, вели Африм Јусуфи, тренер на клубот и воедно селектор на сениорската велосипедската репрезентација на Македонија.
Со оваа трка се отвора сезоната 2022 во велосипедизам во Косово. Покрак битолскиот клуб, дел од оваа трка ќе биде и МВК Велес од Велес.
