По завршувањето на 3-то коло од Регионалната Бокс Лига одличен успех за нашите битолски боксери кои настапуваат за БК. Вардар.
Ален Рустемовски се уште непоразен во ова натпреварување со резултат 3 од 3, сите 3 мечеви завршени со нокаут. Тренерот Петровски Јове Оцо вели за Ален дека и во наредната сезона ќе продолжат со истото темпо и во сениорска конкуренција.
Ружди Рустемовски исто така со многу добар резултат, од 4 меча 3 победи и 1 пораз на поени. Ружди Рустемовски и наредната сезона ќе продолжи да се натпреварува во јуниорската конкуренција каде што ќе боксуваме во две категории до 60кг и 63.5кг, вели тренерот Јове Петровски Оцо.
Овие две момчиња исто така беа државни прваци во своите категории. Ален и Ружди македонскиот шампионат го завршија без загубен меч.
На Арена Куп меѓународниот турнир, Ружди беше прогласен за најдобар македонски боксер. Ален Рустемовски на Меѓународниот турнир „Алексо Огненовски“ беше прогласен за најдобар македонски боксер.
„Ни следува мала пауза од само неколку денови и ги стартуваме моторите за наредната сезона која за нас ќе започне уште од крајот на јануари со натпревари, така што нема место за одмор и калкулирање“, изјави за Читај бе тренерот Петровски.
