Членовите на ВК Пелистер 15 Мај Битола блеснаа на Државното првенство во хронометар, потврдувајќи го својот квалитет и посветеност кон спортот.
🏆 Слободан Настевски – 1. место, државен првак во најсилната категорија – сениори! Со доминантна изведба, Слобода покажа зошто е на врвот на македонскиот велосипедизам.
🥈 Александрос Јанакопулос – 2. место во категоријата U13. Иако имаше голема предност, поради мала невнимателност во финишот, мораше да се задоволи со второто место. Но токму ова покажува колкав потенцијал има овој млад велосипедист!
🥉 Марјан Тасевски – 3. место во категоријата сениори, со стабилна и борбена трка.
🥉 Михаела Наумовска – 3. место во категоријата U15, со одличен настап и голема посветеност.
🚴♀️ Следниот ден, во организација на Велосипедската федерација на Македонија и МВК Велес, се одржа и Државното првенство во друмски велосипедизам за младински категории.
🥇 Александрос Јанакопулос го освои 1. место во категоријата U13!
Овој триумф е уште повреден бидејќи доаѓа веднаш по разочарувањето од претходниот ден. Со неверојатна решителност, Александрос го покажа вистинскиот спортски дух и се врати посилен!
🥈 Михаела Наумовска – 2. место, во трка по екстремно жешко време, со што уште еднаш ја потврди својата спортска зрелост и издржливост.
