Покана до сите благочестиви христијани на 11.08.2024 година, недела, во 17:00 часот во храмот „Свети Никола“ – Крушево, ќе се отслужи Вечерна богослужба во спомен на патронот на Македонската Православна Црква – ОА, свети Климент Охридски.
После Вечерната богослужба, со неговите мошти и моштите од другите светители, ќе се одржи свечена Литија по улиците на Крушево.
На Литијата ќе чиноначалствува Епископот делчевско – каменички г. Марко во сослужение на Митрополитот крушевски и демирхисарски г. Јован, а предавање ќе одржи отец Предраг Поповиќ на тема “Смирението и моќта”
Литијата ќе започне од храмот „Свети Никола“ и ќе се одвива по главната улица на нашиот град и повторно враќање при храмот.
Затоа Ве покануваме благочестиви христијани, да се поклониме на моштите на нашиот патрон и заштитник на целиот наш Македонски народ, светиот Климент Охридски!
Свети Климент Охридски ја има кажано моралната мисла „Тргај се од злото и прави добро“ во која е сублимирана целта на православното христијанство, како што пишува и во Светото писмо – има закон само само за злото, за доброто нема закон. Климент Охридски е еден од најважните личности кога се говори за развојот на образованието, културата, науката во Македонија, тој ја носи титулата Големиот учител, бидејќи е пример за тоа како треба да се однесува секој наставник, учител, професор.
