Спасување на лица заробени во пожар, давање прва помош при случена сообраќајка. Што треба да се направи за да им се укаже помош на овие лица? Симулациите на пожар и сообраќајка во Битола, имаа цел на присутните граѓани да им го покажат значењето на укажувањето на првата помош и колку влијае врз спасувањето на живот.
Ова беше дел од Конвенцијата на прва помош која се одржа во Битола на која учествуваа сите организации од цела држава на Црвениот крст. На неколку пунктови по Широк Сокак се прикажа прва помош при сите животозагрозувачки состојби.
Претходно сите волонтери од организациите на Црвенито крст продефилираа по Широк Сокак до Офицерскиот дом, каде им се обратија Лилјана Ристевска, претседател на Црвен крст Битола, градоначалникот на Битола, Тони Коњановски, како и претседателот на Црвенито крст на Македонија Ромел Велев и генералниот секретар Саит Саити.
Настанот се одржа по повод Светскиот ден на прва помош.
